Nikkul í klæðum, prýðislutum og øðrum vørum, sum koma beinleiðis í samband við húðina, kann elva til ovurviðkvæmi. Ovurviðkvæmi kann vera ein verulig plága, minka um trivnað og vælveru, og tarna arbeiðsførinum. Nikkul ovurviðkvæmi er vanligt, men kann fyribyrgjast við ikki at lata lutir, sum innihalda nikkul, koma at húðini.
Í 90’árunum komu krøv um, hvussu nógv nikkul kann koma úr lutum, sum koma í beinleiðis samband við húðina, t.d. úr klæðum og prýðislutum. Tó kunnu vørur, keyptar áðrenn hetta, innihalda størri nøgdir av nikkuli.
Dømir um lutir, sum kunnu innihalda nikkul:
Vert er at hava í huga, at nikkul eisini kann vera í øðrum lutum enn teimum, sum vanliga koma at húðini, t.d. í knívum, grýtum og øðrum køksamboðum, battaríum, myntum, medaljum og stoyptum stállutum. Eisini kunnu fartelefonir innihalda nikkul. Í eini danskari kanning frá 2009 lak meira nikkul enn loyvt úr 5 av 20 kannaðum fartelefonum.
 |
Vit tú vita meira? Um tú hevur spurningar um kemisk evni í vørum, so ring til Umhvørvisstovuna, tlf. 342400 ella skriva til okkara á us@us.fo |